Guru, Online Educational Partner

१. पोलियो खोप (Oral Polio Vaccine) के हो ?

पोलियो खोप पोलियो रोग विरुद्ध प्रदान गरिन्छ । यो खोप मुखबाट खुवाइने खोप हो । यो  खोप तरल अबस्थामा दुई किसिमको भाँडोमा उपलब्ध हुन्छ:

क) ड्रपरहरू सहितको प्लाष्टिकका शिशीहरू

ख) ड्रपरहरू अलग्गै भएको शिशीका भायलहरू 

 
२. पोलियो खोप कति सुरक्षित छ र यसका संभावित प्रतिकूल असरहरु के के हुन् ?

 पोलियो खोप (ओ.पि.भि.) ले प्राय कुनै पनि प्रतिकूल असर गर्दैन । खोप लिएपछि १ प्रतिशत भन्दा कम बालबालिकाहरुमा टाउको दुख्ने, पखाला लाग्ने वा मांसपेशी दुख्ने हुन सक्दछ । पोलियो खोपकै कारणले हुने पक्षघातिक पोलियो (Vaccine associated paralytic poliomyelitis-VAPP)  हुने सम्भावना पनि निकै कम मात्रामा हुन्छ । पोलियो खोप लिएका दश लाख बच्चाहरु मध्ये करीब दुई देखी चार जनालाई खोपकै कारणले हुने पक्षघातिक पोलियो (VAPP) हुने जोखिमको सम्भावना हुन्छ तर यो निकै न्यून भएको आजसम्मको प्रतिवेदनले देखाएको छ । नेपालमा तेह्रौ पटक राष्ट्रिय पोलियो खोप अभियान संचालन गरी सक्दा पनि यस प्रकारको कुनै घटना घटेको छैन ।

३.प्रयोग विधिको सारांशः पोलियो खोप (ओ.पि.भि.)

४. खोप अभियान मार्फत प्रदान गरिने पोलियो खोपको पुरक मात्रा भनेको के हो?

नियमित खोप सेवाको अतिरिक्त राष्ट्रिय खोप दिवस/विशेष पोलियो खोप दिवसको रुपमा थप मात्रामा दिइने पोलियो खोप (OPV) नै पुरक मात्रा हो । यसरी दिइएको थप मात्राले बालबालिकाहरुमा पोलियो विरुद्ध प्रतिरोधात्मक शक्ति वृद्धि गर्छ । यो पोलियो उन्मूलन गर्ने एउटा महत्वपूर्ण रणनीति हो । पाँच वर्ष मुनिका सबै बच्चाहरूलाई उनीहरूले पहिले जति मात्रा पोलियो थोपा खाइसकेको भए पनि यसरी संचालन गरिने खोप अभियानमा सबै बालबालिकालाई पोलियो थोपा खुवाउनै पर्दछ । अभियान मार्फत एक महिनाको अन्तरमा साधारणतया पहिलो र दोश्रो चरणमा व्यापक अभियान (राष्ट्रिय खोप दिवस) संचालन गरेर यो खोप दिइन्छ । धेरै पटक पोलियो खोप अभियान संचालन हुन सक्छन् त्यसैले हरेक पटक पोलियो खोपको मात्रा लिएर कसैलाई पनि हानी हुँदैन बरु यसले पोलियो रोग विरुद्ध लड्न थप टेवा पुग्दछ ।