Guru, Online Educational Partner

१. हेमोफिलस इनफ्लुएन्जा बी खोप के हो ?

हेमोफिलस इनफ्लुएन्जा बी (Haemophilus influenzae type b) भ्याक्सिनले निमोनिया, मेनिन्जाइटिस्, र अन्य प्रकारका जिवाणुबाट हुन सक्ने गम्भीर प्रकृतिका रोगहरु विरुद्ध सुरक्षा प्रदान गर्दछ । अन्य कारणहरुले गर्दा माथिका असरहरु भएमा भने यो भ्याक्सिनले सुरक्षा प्रदान गर्दैन ।  

हेमोफिलस इनफ्लुएन्जा बी भ्याक्सिन तरल अथवा सुख्खा पाउडर (चिस्याउने प्रक्रियाद्धारा बनाएको पाउडर) (Freeze-dried) अवस्थामा उपलब्ध हुन्छ । हेमोफिलस इनफ्लुएन्जा बी भ्याक्सिन एकल रुपमा वा अन्य भ्याक्सिनसंग संयुक्तरुपमा उपलब्ध हुन्छ । धेरै जसो देशहरुमा हेमोफिलस इनफ्लुएन्जा बी भ्याक्सिन डि.पि.टि र हेप बी. संग मिसिएको अवस्थामा दिइन्छ जस्तै डि.पि.टि–हेप बी.+ हेमोफिलस इनफ्लुएन्जा बी भ्याक्सिन । 

२. हेमोफिलस इनफ्लुएन्जा बी खोप कति सुरक्षित छ र यसका संभावित प्रतिकूल असरहरु के के हुन् ?

हेमोफिलस इनफ्लुएन्जा बी भ्याक्सिन धरै सुरक्षित हुन्छ । यस भ्याक्सिनबाट कुनै पनि जटिल प्रकारका असरहरु भएको पाइएको छैन । यस भ्याक्सिनबाट हुन सक्ने सामान्य असरहरु निम्न छन्ः 
दुखाईः हेमोफिलस इनफ्लुएन्जा बी भ्याक्सिन लिएका करीब ५ देखि १५ प्रतिशत व्यक्तिहरुमा सुई लगाएको ठाउँमा घाउ रातो हुने, सुन्निने र हल्का दुखाई हुने जस्ता असरहरु देखा पर्दछन् । 
ज्वरोः हेमोफिलस इनफ्लुएन्जा बी भ्याक्सिन लगाएको केहि समय पछि भ्याक्सिन लगाएका व्यक्तिहरु मध्ये २ देखि १० प्रतिशत व्यक्तिहरुमा सामान्य ज्वरो देखा पर्दछ । 

प्रयोग विधिको सारांश: